YDC青年大使計劃2026｜越南交流日誌 – 胡志明市

8月3日-8月7日，19位見習青年大使（YA）展開咗一連5日嘅胡志明市交流之旅！是次交流活動由華暢國際交流中心承辦。交流活動喺Clarence副局帶領下見習YA放眼世界，唔單止有機會了解中越雙邊交流、越南當地創新經貿同企業發展，更體驗當地文化！

行程橫跨多個層面，內容非常豐富

外交視野：拜訪中國駐胡志明巿總領事唐立，了解國家與越南喺經貿合作上嘅最新發展，而Clarence副局亦拜會咗胡志明市共青團書記吳明海，為兩地日後深化青年發展與交流打好基礎。

商貿前線：參訪新華創新中心、香港眼鏡企業 OKIA Optical 同埋中國銀行香港分行，見證香港企業點樣運用創新思維同敏銳觸覺，成功喺越南「落地生根」開拓業務，令見習YA更清楚未來發展機遇！

連繫社區：到社福機構參與義工服務將愛心帶入社區，寓學習於遊戲同當地小朋友打成一片～ Clarence副局更同見習YA去到胡志明巿國家大學 – 社會科學與人文大學交流、同越南香港商會代表當地青年及專業人士交流想法、激發新思維！

透過呢次深度交流，見習YA都獲益良多！一齊嚟聽下佢哋嘅體會

見習YA 倪敬偉表示拜訪中國駐胡志明巿總領事館令佢印象最深刻！真切領會到外交唔只係國家層面嘅博弈，更注重喺民間溝通與人文紐帶嘅搭建。而總領事談及中越雙邊關係，亦點明香港於祖國與東盟之間嘅獨特定位，令佢意識到青年亦可以喺民間外交之中擔當角色！

見習YA 袁芷淇喺參觀Sunwah Innovation Centre後表示見識到唔少初創企業嘅潛力，了解到點樣建立跨國連結去發掘小企業，香港有更多潛在嘅機會連結國際市場。

見習YA 李珈僑最難忘嘅係到Binh Trieu Development Centre參與社區服務，與當地青年交流。佢深切感受到交流並唔一定需要流利語言，一齊玩遊戲、分享笑容、互相合作嘅過程，令佢明白到善意同真心往往比言語更有力量，亦可以真誠咁建立連繫！